||السـلام عليكم ورحمة الله وبركاته||

موضوعي اليوم ان شالله مايكون مكرر

بسـم الله:

هلأ البنت المحجبة لازم تكون منتبهة على حالها كتيـر
انو مايشوفهـا حد بشعرها الا المحللين عليها.
مثل الاخ،الاب،الخال،العم،الزوج،ابن الاخ،ابن الاخت..والخ..

في بعض الاحيان بتكون البنت مش منتبهة مثلا بدها تطلع كيس زبالة برا
وهي من غير حجاب بتقولك مافي حدا برا الدنيا ليل ومحدش شايف
وفجأة!!
ولا في وجها ابن الجيران
في هيك حالة ايش بتعمل!
أكيد بتدخل على طول عالبيت..
بس في بنات مابتحرم بتعملها تاني وتالت وعاشر..
يعني انتي ضامنة انو مايشوفك حدا من دون حجاب؟!
يعني في الي قريبة حارس العمارة حفظ شكلها من كتر ماشافها بشعرها
ههههههههههه
طيب مش انتي بتعرفي انو الرجل الاجنبي محرم يشوف شعرة بس من شعرك..؟
في حديث مش زاكراه بس بما معناه انو (كل شعـرة بجمـرة)
الله يبعدنا عن النار أجمعين..
بس ليش تطلعي برا لغرض معين من غير حجاب وانتي مججبة بحجة انو مافي حدا برا؟
هـل انتي متعمدة هالاشي يعني..؟
في بنات بيقولو هوا اللي شافني يعني عليه الزنب مش عليا
بس خطأ هالمفهوم كيف ماعليكي الزنب وانتي اللي سمحتي بهالاشي انو يصير!!

شو موقفك انت يالشب لما يصير مع اختك هيك
مع العلم انها مش قاصدة؟
بتضربها؟
ولا بتهزئها وبتسمعها كلام يسم بدنها؟
ولا بتدعس عرقبتها ومابتخليها تعتب باب البيت بعد هيك؟
أو حتى مابتخليها تطلع من البيت نهائيا بحجة انو شرفها هوا شرفك؟
أشوف ردودكو..
دعـوة للنقاش جميعا